HB fær nógva tilgongd til álopspartin.

Fyrr í vetur gjørdist greitt, at Lea Lisberg skifti til HB. Hon hevur áður skorað nógv mál í Betri Deildini og verið á landsliðnum. Nú hevur ein annar leikari við nógvum málum skift til besta kvinnuliðið hjá HB. Talan er um 18 ára gomlu Brá Zakariasardóttir, sum gjørdist toppskjútti í endaspælinum saman við Heidi Sevdal við seks málum. Brá hevur verið úttikin til landsliðið onkrar dystir.

Ein annar lokalur leikari byrjar aftur í HB eftir drúgvan skaða. Talan er um 19 ára gomlu Astrid Mittfoss, sum í 2024 skoraði næstflest mál hjá HB í grundspælinum. Hon hevur sambært FaroeSoccer verið partur av øllum U-landsliðum.

HB hevur mist Sunnivu Willemoes, sum í fjørd flutti uttanlands.