Leygardagin fer landskappingin í Betri Deildini hjá kvinnum av bakkastokki.

Fyrsti dysturin er undir Mýruhjalla á Skála, har EBS/Skála tekur ímóti TB/FCS/Royn. Heimaliðið er favorittur undan dystinum. Dysturin byrjar kl. 13.00.
Hin dysturin leygardagin byrjar kl. 18.00, har greipuvinnararnir úr KÍ vitja 07 Vestur á Dungasandi. KÍ vann seinasta leygardag stórsteypadystin ímóti NSÍ, har tað endaði 2-0. KÍ hevur í ár fingið styrk við Rebekku Benbakoura, sum hevur skift frá HB til KÍ. Seinast 07 Vestur og KÍ møttust á Dungasandi var í fjør, har tað endaði við javnleiki 1-1.

Sunnudagin eru tvær spennandi grannauppgerðir á skránni. Fyrst er tað slagið um Havnina, har B36 og HB dystast kl. 12.15 á ovara vølli í Gundadali. Kl.13.00 spæla Víkingur og NSÍ í Sarpugerði.  

Dystirnir í 1.umfari eru hesir:

Leygardagin:
Kl. 13.00: EBS/Skála-TB/FCS/Royn
Kl. 18.00: 07 Vestur-KÍ
Sunnudagin:
Kl. 12.15: B36-HB
Kl. 13.00: Víkingur-NSÍ