Fyri fyrstu ferð síðani 2019 vann B36 eina grannauppgerð móti HB, meðan FC Suðuroy heldur óvæntað vann í Sørvági.

Í gjár vann KÍ ein uppibornan sigur á meistarunum Víkingi, sum liggja undir niðurflytingarstrikuni eftir fimm umfør. Í dag vóru hinir dystirnir, har EB/Streymur vann 1-0 á B68 í enn einum dysti við reyðum kortum. Í Trongisvági vann NSÍ enn ein stórsigur, hesaferð 5-1, har breiddin í álopspartinum vísti seg fram.

B36 vann grannauppgerðina á HB fyri fyrstu ferð síðani 2019. Spennandi dysturin endaði 3-2 til B36, har B36-liðskiparin Hannes Agnarsson skoraði sigursmálið móti endanum av dystinum. Í Sørvági avgjørdi Eliasu Aminu Champang við máli í 84. minutti og tryggjaði FC Suðuroy fyrsta sigurin á útivølli í bestu deildini síðani 30. oktober 2015 sambært FaroeSoccer.

Úrslitini hetta umfarið:

KÍ-Víkingur 2-0

HB-B36 2-3

EB/Streymur-B68 1-0

07 Vestur-FC Suðuroy 1-2

TB-NSÍ 1-5