Víkingur manglar ein sigur í sínum báðum síðstu dystum í 1.deild, so ger næstbesta liðið tað, sum besta liðið væntast at gera. At vinna deildina. Og tað ger Víkingur við lægsta miðalaldri í 1.deild.

Víkingur liggur til at vinna báðar tær bestu deildirnar. Besta liðið manglar bara eitt stig og næstbesta liðið manglar bara ein sigur, nú tvey umfør eru eftir.

Víkingur hevur greiða ætlan við næstbesta liðnum. Har spæla ungir leikarar, sum brúka 1.deild sum eitt stig á leiðini til at koma á besta liðið. Tí hava teir flestu á besta liðnum í dag fyrst fingið nógva spælitíð á næstbesta liðnum, áðrenn teir komu á besta liðið, ofta sum heilt ungir. Vit kunnu hyggja aftuir til 2019, tá vóru tað Bárður á Reynatrøð, Geza Turi og Ingi Jonhardsson, sum spældu flestar minuttir á næstbesta liðnum hjá Víkingi, sum tað árið endaði nummar tvey.

1.deild hjá Víkingi hevur átta leikarar, sum eru undir 21 ár og sum hava spælt mint 1000 minuttir. Tað er meir enn hjá hinum eykaliðunum. Og samanlagt hevur Víkingur lægsta miðalaldurin í deildini.

Leikarar undir 21 ár í 1.deild hjá eykaliðum, ið hava spælt minst 1000 minuttir sambært FaroeSoccer:

8: Víkingur

7: B36

6: HB

5: KÍ

4: NSÍ

Miðalaldur í 1.deild:

21,5 ár: Víkingur

22,1 ár: HB

23,1 ár: B36

23,4 ár: B71

23,6 ár: TB

23,7 ár: KÍ

23,9 ár: FC Suðuroy

24,6 ár: NSÍ

24,6 ár: AB

25,6 ár: FC Hoyvík

Stuðlað FM-umrøðuni 2024 á bolt.fo hava:

Eysturkommuna

Skósølan við Gøtugjógv

Bovling & Matur í Leirvík

ETV

Effo í Leirvík