Av teimum 15 sum spældu mest farna kappingarár eru seks leikarar ikki longur í felagnum. Hinvegin eru nógvir nýggir komnir til og fleiri av teimum av eina søgu sum kendi bent á, at talan er um góðar leikarar.

Differdange 03, sum vitjar KÍ mikukvøldið, hevur mist onkrar týdningarmiklar leikarar frá farna kappingarári og onkrir dragast við skaðar, men størstu lyklaleikararnir í málum, Jorginho (toppskjútti í deildini) og Trani, eru framvegis tøkir. 

Differdange 03 hevur fingið eini 11 nýggjar leikarar sambært Transfermarkt. Ikki allir væntast at fáa leiklut móti KÍ, men niðanfyri hava vit valt átta leikarar burturúr, sum Differdange 03 hevur ''keypt'' í summar.

Frederico Andrada

30 ára gamal álopsleikari úr Argentina. Hevur m.a. spælt 20 dystir fyri stórfelagið River Plate, seinast afturi í 2014. Er skrásettur fyri 100 dystir og 14 mál í bestu deildini í Argentina. Spældi farna kappingarár nakrar fáar dystir í næstbestu deildini í Argentina.

Adham El Idrissi

27 ára gamal álopsleikari úr Hollandi. Hevur spælt m.a. í næstbestu deildini í Hollandi og ungdómsfótbólt í Ajax. Farna kappingarár skoraði hann 9 mál í 16 dystum í bestu deildini í Luksemborg.

Leandro

32 ára gamal verjukendur miðvallarleikari úr Brasil. Spældi farna kappingarár í 3. bestu deildini í Portugal.

Gustavo Simoes

22 ára gamal álopsleikari úr Brasil, har hann hevur spælt. Er skrásettur fyri ein dyst í bestu deildini og 10 dystir í næstbestu deildini í Brasil.

Diogo Silva

27 ára gamal miðvallarleikari úr Portugal. Er skrásettur fyri 21 dystir í triðbestu deildini í Portugal.

Felipe

40 ára gamal málverji úr Brasil. Spældi níggjku dystir farna kappingarár í triðbestu deildini í Brasil.

Goncalo Lixa

25 ára gamal bakkur úr Portugal. Spædi farna kappingarár 17 dystir í triðbestu deildini í Portugal.

Andreas Buch

31 ára gamal álopsleikari úr Týsklandi. Var farna kappingarár toppskjútti fyri Racing FC í bestu deildini í Luksemborg.

Stuðlað umrøðuni av altjóða fótbólti hjá KÍ í 2024 á bolt.fo hava:

Klaksvíkar kommuna

Kanjon

Sjónám

JFK

Kjølbro Heilsøla

Norðoya Litbúð

Malltek

MP Teknik

RVtøkni