Tað verða fáir áskoðarar til kvøldsins dyst.
Slovenski miðilin Ekipa24 skrivar, at meðan tað vóru 5000 áskoðarar til dystin Olimpija Ljubljana-Slovan Bratislava, harav 1000 frá Bratislava, so eru í morgun bara 2500 atgongumerkið seld til kvøldsins dyst móti KÍ. Leikvøllurin tekur um 16.000 áskoðarar. Orsøkin er vánaliga gongdin hjá liðnum, sum einki stig hevur í bólkinum, tí sum miðilin skrivar, so er talan um krevjandi áskoðarar. Vit sóu eisini eftir dystin í Føroyum, at áskoðararnir vóru sera misnøgdir. Miðilin skrivar, at tað sjálvandi kunnu blíva nøkur atgongumerkið seld afturat í dag, men sera sannlíkt verður talan um óvanliga lítla áskoðarafjøld hjá so stórum felag. Ein annar miðil væntar, at tað verða 3000 áskoðarar.
KÍ hevur nakað av áskoðarum til dystin, hóast tað hevur víst seg at taka langa tið at kom fram, tí einki beinleiðis ferðasamband er millum Ljubljana og nøkur støð, har Atlantic Airways flýgur til.
Stuðlað umrøðuni av KÍ í bólkaspælinum í UEFA Conference League í 2023 hava: