Eyðun Klakstein hevur úttikið 24 leikarar til seinastu dystirnar í UEFA Nations League í 2026. Fleiri broytingar eru í hópinum samanborið við upprunaligu úttøkuna í september. Tað kom fram á tíðindafundinum í morgun, sum Televarpið vísti.

Føroyska manslandsliðið skal spæla móti Slovakia á útivølli 13. november og Moldova á heimavølli 16. november.

Fimm leikarar eru komnir afturat samanborið við upprunaligu úttøkuna til dystirnar í september og oktober. Teir eru Arnbjørn Svensson, Ari Olsen, Jákup Biskopstø, Aron Benjaminsen og Meinhard E. Olsen.

Hinvegin eru Heini Vatnsdal, Ási P. Dam, Emil W. Joensen og Páll Andrasson Klettskarð ikki við hesaferð.

Arnbjørn Svensson varð tó eisini boðsendur undir seinastu landsliðssamlingini, tá Andrias Edmundsson noyddist at gevast vegna skaða. Andrias er nú aftur í hópinum.

Páll A. Klettskarð gav eisini avboð seinast, og tá varð Jørgen Nielsen boðsendur í hansara stað. Jørgen er ikki við í nýggja hópinum.

Føroyar hava spælt javnt í øllum fýra Nations League-dystunum higartil og hava framvegis møguleika at vinna sær annaðplássið í bólkinum, sum gevur rætt til uppflytingarspælið til Deild B.

Landsliðshópurin

Málverjar: Mattias H. Lamhauge, Bárður á Reynatrøð og Ari í Haraldstovu Petersen.

Útileikarar: Gunnar Vatnhamar, Andrias Edmundsson, Odmar Færø, Samuel Chukwudi, Arnbjørn Svensson, Viljormur Davidsen, Martin Agnarsson, Jann Benjaminsen, Jóannes K. Danielsen, Ari Olsen, Géza Dávid Turi, Jákup Biskopstø, Mattias Hellisdal, Jóannes Bjartalíð, Hanus Sørensen, Áki Samuelsen, Aron Benjaminsen, Poul Kallsberg, Petur Knudsen, Adrian Justinussen og Meinhard E. Olsen.