Virgar Hvidbro skal týskvøldið vera UEFA-umboð í Champions League-dystinum millum Atlético Madrid og Manchester United. Eisini Lassin Isaksen hevur fingið eina altjóða UEFA-uppgávu hesa vikuna.

Virgar Hvidbro er settur sum UEFA-umboðsmaður til dystin millum Atlético Madrid og Manchester United, sum verður spældur í kvøld klokkan 20.00 føroyska tíð á Estadio Metropolitano í Madrid.

Virgar Hvidbro hevur sum UEFA-umboð yvirskipaðar uppgávur kring dystin og skal lata UEFA frágreiðing eftir dystin.

Lassin Isaksen til Fraklands

Eisini Lassin Isaksen hevur fingið eina altjóða uppgávu frá UEFA hesa vikuna.

Hann er settur sum UEFA-dómaraeygleiðari til Europa League-dystin millum Stade Rennais og OFI Crete.

Dysturin verður spældur hósdagin 15. oktober klokkan 20.00 føroyska tíð á Roazhon Park í Rennes í Fraklandi.

Lassin skal eygleiða og meta um avrikið hjá dómaratoyminum og síðani lata UEFA sína meting.

Sostatt hava tveir føroyingar fingið UEFA-uppgávur í evropeiskum felagsfótbólti hesa vikuna. Virgar Hvidbro í Champions League og Lassin Isaksen í Europa League.