Um einki óvæntað hendur, so byrjar steypavinnarin í 2. umfari í Conference League komandi summar.

Føroyar liggja nummar 41 og hóast fleiri lond aftanfyri eru við í deildarspæli, so skulu óvæntað úrslit til, um Føroyar skulu detta longur aftur enn nr. 43. Og verður Russland framhaldandi útihýst, so bendur nógv á, at tað verður nokk til at steypavinnarin byrjar í 2. umfari í Conference League. Tó veldst tað um, hvørji lið vinna Champions League, Evropa League og Conference League og um hesi spæla seg til síni pláss gjøgnum sínar heimligu kappingar.

At byrja í 2. umfari í Conference League merkir eina inntøku á 3,9 milliónir ímun til 2,4 milliónir, sum liðini fáa fyri at byrja í 1. umfari. KÍ hevur 12 stig og Víkingur sjey stig á UEFA-styrkislistanum komandi summar, og tað er heilt vist nokk at blíva styrkismett hjá KÍ og møguliga eisini hjá Víkingi, har sjey stig í summar hevði verið akkurat nokk til at blivi styrkismett.

Skuldi Víkingur ella KÍ vunnið greipuna, so fer plássið hjá steypavinnaranum til nummar tvey í landskappingini. Tað hendi í fjør, tá HB fekk plássið.