Tað bendir á stóra áskoðarafjøld, tá KÍ hóskvøldið vitjar pólska meistaraliðið Lech Poznan í Europa League.

Sambært óalmennum tølum frá pólskum fjepparum vóru 10.249 atgongumerki seld sunnudagin, fýra dagar undan dystinum.

Leikvøllurin í Poznan tekur 42.837 áskoðarar, og tí er framvegis nógv pláss eftir.

Sølan plagar at taka dik á seg

Lech Poznan er eitt av best stuðlaðu feløgunum í Póllandi, og nógv atgongumerki verða vanliga seld seinastu dagarnar undan dysti.

Til heimadystin móti AGF í Champions League-undankappingini fyrr í vikuni vóru 36.215 áskoðarar á Enea Stadion.

Tað er tí framvegis sannlíkt, at talið til dystin móti KÍ fer at vaksa munandi komandi dagarnar, hóast tað í løtuni er nakað lægri enn til dystin móti AGF.

Um talið kemur upp um 20.061, verður tað samstundis størsta áskoðarafjøld, sum nakrantíð hevur sæð KÍ spæla ein evropeiskan dyst. Tað metið varð sett, tá 20.061 áskoðarar vóru til Conference League-dystin millum Lille og KÍ í desember 2023.

Umrøðan av altjóða dystunum hjá KÍ í 2026 er gjørd í samstarvi við:

Klaksvíkar kommunu

Norðoya Litbúð

MP Teknik

JFK

Kanjon

Kjølbro heilsølu

Christian í Grótinum

KSS

Malltek