Talan hevur helst verið um eina av yngstu uppstillingunum hjá felagnum í nøkur ár.

Tá Víkingur í gjár vann 1-0 á TB í fjórðingsfinaluni í kappingini um løgmanssteypið, so hevði Víkingur, sum síðstu árini hevur havt hægsta miðalaldurin í føroyskum fótbólti, ein lágan miðalaldur. Ein orsøk var sjálvsagt, at Atli Gregersen og Bogi Reinert-Petersen høvdu leikbann. Fyrr í kappingini spældu Vukasin Tomic og Lukasz Cieslewicz eisini í Víkingi, sum dró miðalaldurin uppeftir.

Í uppstillingini hjá Víkingi í gjár vóru tríggir leikarar undir 20 ár og tað er ikki vanligt í føroyskum fótbólti hjá einum topp 5 liði.

17 ár: Olaf Bárðarson og Noah Mneney

19 ár: Geza David Turi

21 ár: Arnbjørn Svensson

22 ár: Ari Olsen

24 ár: Elias Fagrá

25 ár: Gunnar Vatnhamar

26 ár: Bergur Gregersen

27 ár: Jákup Johansen

31 ár: Finnur Justinussen

34 ár: Sølvi Vatnhamar

Hetta gevur ein miðalaldur á 23,9 ár. Vanliga hevur miðalaldurin hjá teimum við lægsta miðalaldrinum ligið millum 23 og 24 ár.