NSÍ-málverjin hevur sannførandi hagtøl, meðan næstan onnurhvør málroynd fer í málið hjá AB.

Umvegis InStat hava vit talt saman málroyndir innanfyri málstengurnar móti liðunum. Síðani ber til at rokna út, hvussu nógv prosent av skotunum enda í málunum og hvussu nógv málverjin bjargar. Tølini vísa, at NSÍ-málverjin Tórður Thomsen stendur seg best og bjargar lutfalsliga mest. Tí bara 17,6 % av málroyndunum móti NSÍ innanfyri málstengurnar enda í málinum, meðan Tórður hevur bjargað 82,4 %. Hinvegin enda heili 46,4 % av málroyndunum móti AB, har Heðin Stenberg, Mathias Lamhauge og Sverri Petersen hava vart málið, við at geva mál.

So nógv prosent av málroyndunum innanfyri málstengurnar enda við at geva mál:

NSÍ 17,6 % (Tórður Thomsen)

Víkingur 22,4 % (Elias Rasmussen)

KÍ 22,9 % (Kristian Joensen og Meinhardt P. Joensen)

B36 27,7 % (Hans Jørgensen, Trygvi Askham og Símun Rógvi Hansen)

Skála 28,8 % (Karsten Hansen)

HB 28,8 % (Teitur M. Gestsson)

TB 31,8 % (Milos Budakovic)

ÍF 32,1 % (Tóri Traðará og Petur Meinhard Magnussen)

EB/Streymur 38,1 % (Rói Zachariassen og Jákup Højgaard)

AB 46,4 % (Heðin Stenberg, Sverri Petersen og Mathias Lamhauge)