Í vikuskiftinum bleiv U13-kappingin hjá gentum avgjørd.

Skála skrivaði soleiðis leygardagin:

Í dag spældu G13 seinastu kapping í ár, og var hendan kappingin í Runavík. Undan hesi seinastu kappingini var rímuligur spenningur um endaliga úrslitið, tí B36 var bara tvey stig aftanfyri.
Fyrsta umfar spældu vit móti HB, meðan B36 og B71 dystaðust á hinari hálvuni. Vit høvdu rímuliga gott tak á dystinum, og var hálvleiksstøðan 2-0 til okkum. Í øðrum hálvleiki bleiv javnan skeitt yvir á dystin hjá B36 og B71, tí har gekk strilti at fáa hol á. Tað leikaði hart á frammanfyri bæði málini, men inn fór bólturin ikki. Sostatt endaði teirra dystur 0-0, meðan vit endaliga vunnu 3-0 á HB. Harvið var ikki longur spenningur um FM, áðrenn dystin millum Skála og B36. Men hóast tað fóru bæði liðini inn í dystin við góðum treysti og góðu alt tær høvdu. Skálagenturnar fingu eitt brotsspark seint í fyrra hálvleiki. Sara skeyt bóltin púra trygt í málið, og gjørdist hetta einasta málið í dystinum.
Harvið var staðfest at Skálagenturnar vóru púra greiðar FM vinnarar í 2022.
Mikukvøldið kl. 18 spæla okkara G13 steypafinalu á Tórsvølli móti KÍ, og tá hava vit møguleikan at taka greipuna.