FSF ger nú enn meir fyri at minka um fíggjarliga munin millum Europa-liðini og restina av liðunum í føroyskum fótbólti.

FSF hevur síðstu árini givið pengar út til feløgini sum MAFF-stuðul og sum stjørnufótbólt. Hetta seinna er nakað broytt síðani 2019 og verður nú skipað sum 1. Stuðul til høvuðsungdómsvenjara og 2. Sum stuðul í mun til tal av ungdómsleikarum. Men í báðum førum verður útjavningarpolitikkur gjørdur, har liðini sum luttaka í Europa fáa minni.

MAFF-stuðul

MAFF-stuðulin skal brúkast til umsiting. Í 2020 verður MAFF-stuðulin býttur soleiðis:

1. Liðini sum luttaka í Evropa (4 feløg): 90.000 kr.

2. Betri deildin menn (ikki í Evropa): 148.000 kr.

3. 1.deild menn: 128.000 kr.

4. Restin: 60.000 kr.

Í 2021 verður MAFF stuðulin býttur soleiðis:

1. Liðini sum luttaka í Evropa (3 feløg): 0 kr.

2. Betri deildin men (ikki í Evropa): 188.000 kr.

3. 1.deild menn: 128.000 kr.

4. Restin: 60.000 kr.

Stuðul til høvuðsungdómsvenjara

Í 2019 var stuðulin til høvuðsungdómsvenjarar hesin:

Felag, ið luttekur í Champions League: 0 kr.

Feløg, ið luttaka í Europa League: 50.000 kr.

Hini feløgini: 100.000 kr.

Harumframt kunnu øll feløg (uttan meistarin) søkja um eyka stuðul upp til 50.000 kr. í einari krónu fyri krónu skipan. Siga vit, at ein høvuðsungdómsvenjari fær eina samsýning á 300.000 kr. um árið, so letur FSF 150.000 kr. til feløgini, sum ikki luttaka í Europa.

Stuðul til hvønn skrásettan ungdómsleikara

FSF rindaði í 2019 feløgunum 570 kr. í stuðli fyri hvønn skrásettan ungdómsleikara (upp til U17 dreingir og U18 gentur). Tal av leikarum verður tikið úr Comet skrásetingini. Meistararnir vóru ikki partur av hesi skipan.

Útjavningin

Við hesum tølum síggja vit, at FSF hevur gjørt átøk fyri at minka um fíggjarliga munin millum Europa-liðini og hini. Siga vit at upphæddirnar halda fram sum omanfyri bæði hjá FSF og upphæddirnar frá UEFA* halda fram sum tær vóru í 2019, so fáa liðini (um tey velja at brúka høvuðsungdómsvenjarastuðulin fult út) fitt av útjavningarpengum.

Sostatt fáa liðini í bestu deildini, sum ikki koma í Europa ein stuðul á 440.600 kr.* (um vit siga 180*** skrásettar limir, hetta talið veldst um stødd av felag) í mun til føroyameistaran. Hjá 1.deildarliðunum er talið 380.600.

Liðini í bestu deildini, sum ikki koma í Europa, fáa ein stuðul á 238.000 kr. í mun til liðini, sum skulu spæla Europa Conference League. Fyri 1.deildarliðini er talið 178.000 kr.

* Meistarin fekk 5,9 milliónir og Europa League liðini 1,63 milliónir fyri at luttaka. Komu tey víðari, so hækkaðu upphæddirnar (1,79 mió í Europa League fyri eitt umfar)

** Hetta talið skal minkast ella hækkast við 570 kr. Alt eftir um limatalið er hægri ella lægri enn 180, sum møguliga er eitt áleið tal fyri støddina av núverandi liðum í botn 6.

*** Talið hjá t.d. Víkingi liggur á 220

Kelda til tølini um pengar, sum FSF letur: FSF

Kelda til UEFA pengarnar: UEFA.com

Kelda til limatal hjá Víkingi: http://bolt.fo/news/details?title=Lj%C3%B3%C3%B0brot:%20Janus%20Rasmussen%20letur%20v%C3%A6l%20at%20ungd%C3%B3msdeildini%20hj%C3%A1%20V%C3%ADkingi&id=581