Tað verður ein føroyingur við fitt av venjararoyndum, sum tekur yvir í B68.
Tað ljóðaði fyrr í vikuni, at B68 hevði bjóðað Jákupi á Borg venjarastarvið eftir, at Øssur Hansen segði seg úr starvi í síðstu viku. Og nú er alt komið uppá pláss. Tað merkir, at Jákup á Borg verður venjari hjá B68 og skal á fyrsta sinni royna seg sum høvuðsvenjari í øðrum felagi enn í barndómsfelagnum B36, har hann vandi besta liðið árini 2017-2020, tá liðið endaði á heiðursmerkjaplássum øll árini uttan í 2020. Liðið vann løgmanssteypið í 2018 og stóð seg sera væl í altjóða fótbólti í 2018 og 2020, tá liðið fleiri ferðir kom víðari bæði árini.
Jákup fær eina stóra uppgávu í B68, tí liðið liggur aftast við fimm stigum, nú hann tekur yvir.